هي بس مجموعة اسئلة انا مش عارف اجابتها و عايز حد من المواطنين الشرفاء يرد عليا.
1- الثورة قامت وقالت: "الشعب يريد إسقاط النظام", حد بقى يشاورلي على النظام اللي سقط كده, نظام ايه اللي سقط حضرتك و مترشح للرئاسة وزير خارجية سابق للنظام واحد مؤيدي رأس الفساد المخلوع, ومترشح للرئاسة برضه رئيس وزراء النظام السابق, و رئيس مخابرات النظام السابق ؟؟
2- ممكن متقولش كلمة الشيخ الشعراوي الا وانت فاهم معناها ؟ "الثائر الحق هو الذي يثور ليهدم الفساد ثم يهدأ ليبني الأمجاد" واعتقد يعني ان السؤال اللي فات تفهم منه ليه !
3- هي صحيح نتيجة التحقيقات و لجان تقصي الحقائق في احداث يناير 2011 و السفارة وماسبيرو و محمد محمود و مجلس الوزراء وبورسعيد والداخلية ايه ؟ براءة ؟ طب ماشي يعني مين اتحاسب على الناس اللي ماتت ؟ محدش ؟
4- طيب هو اللي كشف على عذرية البنات طيب اتحاسب ؟ برضه براءة ؟ تصدق اصلا احنا اللي بنستهبل اذا كان حكموا على اللي قتل ببراءة هيفرق معاهم اللي كشف عذرية ؟؟ يا ريت برضه متقوليش كانت لابسة ايه, سميرة كانت لابسة كل حاجة وبرضه قلعوها, بصراحة شكلنا وحش اوي !
5- طيب هم اللي حكموا ببراءة القتلة والمغتصبين هم هم اللي هيحكموا على المخلوع ؟ وهم هم اللي هيشرفوا على انتخابات الرئاسة ؟ طب ايه عادي كده مطمن ؟ ومتقوليش ميقدروش يزوروا ! بأمارة ايه ميقدروش يعني ؟
6- طيب سيبك من الكلام ده انا سمعت صحيح انهم مسكوا المنظمات المدنية اللي بتتمول من بره ! ها عملوا ايه ؟ براءة ؟ لأ سافروا ؟ طب سافروا ازاي وهم متهمين ؟ ومين اللي سابهم يسافروا ؟ طب هو مش قلنا ساعتها ان دي لعبة سياسية مش اكتر ؟ بس يمكرون ويمكر الله والله خير الماكرين.
7- طب بقولك صحيح انا فاكر ان بعد الاستفتاء الدستوري طلعوا بيان رقم 28 بيقولوا فيه ان النتيجة نعم ادت الى كذا حاجة اهمها مثلا انهم هيسلموا البلد خلال 6 شهور, وخلاص الحمد لله فات سنة اهو من ال 6 شهور, ممكن برضه متقوليش النخبة ؟ لو هو حنين كده طب ما يسمع كلام النخبة دلوقتي برضه !
8- انا عرفت كده معلومة ان فترة حكم المخلوع -30 سنة- في حوالي 3000 اتحاكم عسكرياً, ممكن حد يقولي السنة دي بقى بعد ما مشي الوحش ده في كام واحد بيتحاكم عسكرياً؟ 16000 ؟؟
9- خير اللهم اجعله خير حلمت اني بتضرب في محمد محمود وناس ماتت ادامي و ناس قعدت في بيوتها قالوا دي مؤامرة علشان الانتخابات و استنوا مجلس الشعب يجيب حقكم و هينفذ كل مطالبكم, ادينا استنينا ... نعم ؟ ايه اللي عمله ؟ بالله عليكم نفسي حد يقول قرار واحد طلع من مجلس الشعب !
10- طيب هو ليه كل اللي قتل و سرق عمالين ياخدوا براءة مع ان ميختلفش على ادانتهم اتنين, وكل الثوار عمالين يتحبسوا و منهم اللي بيتدبح ومنهم اللي بيتخطف ومنهم اللي بيتلفق له تهم؟
11- هم ليه قسموا مصر احزاب وحركات وفتنوا بين الناس وبقى كل بيخون وبيتهم بالعمالة لو اختلف معاك في الرأي ؟ و ليه ميدان التحرير اتفرع ؟ بقى في التحرير و عباسية و ماسبيرو و معرفش ايه ! واللي في التحرير وحشين والعباسية حلوين !
12- طيب هو الدستور وانتخابات الرئاسة في الظروف دي, حاجة عادية ومطمئتة كده ؟
لو عرفت تجاوب اجابة منطقية قول لي علشان انا هتجنن خلاص, صحيح في كام سؤال ممكن يساعدوك:
- هو احنا لو عندنا شركة رئيسها حرامي و في كام واحد كده تحته حرامية, وعايزين ننضف الشركة دي من الفساد نعمل ايه؟ نمشي الموظفين كلهم ونقفلها ولا نبدل الحرامي ده والحرامية اللي تحته بناس محترمة ؟ ممكن بقى متقولش المجلس هو الجيش ؟
-طيب هي الشركة دي لو ليها مجلس ادارة و كله حرامي و واحد منهم اتمسك, تفتكروا التاني هيسلم نفسه ؟
- تخيل بقى ان اللي مسك التاني هو شريكه الحرامي اصلا, وهو اللي بيحاكمه, يعني من الاخر لو واحد منهم اتكلم التاني يروح في داهية على طول فعمره مهيتكلم ولا هيغدر بيه, مش علشان هو وفي لأ ده علشان مصلحته !
- طيب تعالى بقى اخر حاجة قول لشريكه ده احنا عايزين الشركة دي نسلمها لمدير محترم الموظفين هم اللي يختاروه علشان يمسك ويحاسبك على اخطائك، يروح هو على طول يقول حاضر من عنيا بس ادوني فرصة 6 شهور علشان الموظفين الغلابة في مؤامرة عليهم من الشركات الاخرى و الشركة بتتحرق هيييييه !!!
والله هم يبكي و هم يضحك !
2- ممكن متقولش كلمة الشيخ الشعراوي الا وانت فاهم معناها ؟ "الثائر الحق هو الذي يثور ليهدم الفساد ثم يهدأ ليبني الأمجاد" واعتقد يعني ان السؤال اللي فات تفهم منه ليه !
3- هي صحيح نتيجة التحقيقات و لجان تقصي الحقائق في احداث يناير 2011 و السفارة وماسبيرو و محمد محمود و مجلس الوزراء وبورسعيد والداخلية ايه ؟ براءة ؟ طب ماشي يعني مين اتحاسب على الناس اللي ماتت ؟ محدش ؟
4- طيب هو اللي كشف على عذرية البنات طيب اتحاسب ؟ برضه براءة ؟ تصدق اصلا احنا اللي بنستهبل اذا كان حكموا على اللي قتل ببراءة هيفرق معاهم اللي كشف عذرية ؟؟ يا ريت برضه متقوليش كانت لابسة ايه, سميرة كانت لابسة كل حاجة وبرضه قلعوها, بصراحة شكلنا وحش اوي !
5- طيب هم اللي حكموا ببراءة القتلة والمغتصبين هم هم اللي هيحكموا على المخلوع ؟ وهم هم اللي هيشرفوا على انتخابات الرئاسة ؟ طب ايه عادي كده مطمن ؟ ومتقوليش ميقدروش يزوروا ! بأمارة ايه ميقدروش يعني ؟
6- طيب سيبك من الكلام ده انا سمعت صحيح انهم مسكوا المنظمات المدنية اللي بتتمول من بره ! ها عملوا ايه ؟ براءة ؟ لأ سافروا ؟ طب سافروا ازاي وهم متهمين ؟ ومين اللي سابهم يسافروا ؟ طب هو مش قلنا ساعتها ان دي لعبة سياسية مش اكتر ؟ بس يمكرون ويمكر الله والله خير الماكرين.
7- طب بقولك صحيح انا فاكر ان بعد الاستفتاء الدستوري طلعوا بيان رقم 28 بيقولوا فيه ان النتيجة نعم ادت الى كذا حاجة اهمها مثلا انهم هيسلموا البلد خلال 6 شهور, وخلاص الحمد لله فات سنة اهو من ال 6 شهور, ممكن برضه متقوليش النخبة ؟ لو هو حنين كده طب ما يسمع كلام النخبة دلوقتي برضه !
8- انا عرفت كده معلومة ان فترة حكم المخلوع -30 سنة- في حوالي 3000 اتحاكم عسكرياً, ممكن حد يقولي السنة دي بقى بعد ما مشي الوحش ده في كام واحد بيتحاكم عسكرياً؟ 16000 ؟؟
9- خير اللهم اجعله خير حلمت اني بتضرب في محمد محمود وناس ماتت ادامي و ناس قعدت في بيوتها قالوا دي مؤامرة علشان الانتخابات و استنوا مجلس الشعب يجيب حقكم و هينفذ كل مطالبكم, ادينا استنينا ... نعم ؟ ايه اللي عمله ؟ بالله عليكم نفسي حد يقول قرار واحد طلع من مجلس الشعب !
10- طيب هو ليه كل اللي قتل و سرق عمالين ياخدوا براءة مع ان ميختلفش على ادانتهم اتنين, وكل الثوار عمالين يتحبسوا و منهم اللي بيتدبح ومنهم اللي بيتخطف ومنهم اللي بيتلفق له تهم؟
11- هم ليه قسموا مصر احزاب وحركات وفتنوا بين الناس وبقى كل بيخون وبيتهم بالعمالة لو اختلف معاك في الرأي ؟ و ليه ميدان التحرير اتفرع ؟ بقى في التحرير و عباسية و ماسبيرو و معرفش ايه ! واللي في التحرير وحشين والعباسية حلوين !
12- طيب هو الدستور وانتخابات الرئاسة في الظروف دي, حاجة عادية ومطمئتة كده ؟
لو عرفت تجاوب اجابة منطقية قول لي علشان انا هتجنن خلاص, صحيح في كام سؤال ممكن يساعدوك:
- هو احنا لو عندنا شركة رئيسها حرامي و في كام واحد كده تحته حرامية, وعايزين ننضف الشركة دي من الفساد نعمل ايه؟ نمشي الموظفين كلهم ونقفلها ولا نبدل الحرامي ده والحرامية اللي تحته بناس محترمة ؟ ممكن بقى متقولش المجلس هو الجيش ؟
-طيب هي الشركة دي لو ليها مجلس ادارة و كله حرامي و واحد منهم اتمسك, تفتكروا التاني هيسلم نفسه ؟
- تخيل بقى ان اللي مسك التاني هو شريكه الحرامي اصلا, وهو اللي بيحاكمه, يعني من الاخر لو واحد منهم اتكلم التاني يروح في داهية على طول فعمره مهيتكلم ولا هيغدر بيه, مش علشان هو وفي لأ ده علشان مصلحته !
- طيب تعالى بقى اخر حاجة قول لشريكه ده احنا عايزين الشركة دي نسلمها لمدير محترم الموظفين هم اللي يختاروه علشان يمسك ويحاسبك على اخطائك، يروح هو على طول يقول حاضر من عنيا بس ادوني فرصة 6 شهور علشان الموظفين الغلابة في مؤامرة عليهم من الشركات الاخرى و الشركة بتتحرق هيييييه !!!
والله هم يبكي و هم يضحك !
ليست هناك تعليقات:
إرسال تعليق